Korleis påverkar støy frå skip livet i havet, og kva kan vi gjere med det?

I tillegg til klimagassutslepp skaper dagens skip støy som forstyrrar marine økosystem. Med støtte frå EU utviklar LOWNOISER-prosjektet ny teknologi som dempar undervasstøy frå motorar og propellar – og som samstundes gjer skipa meir energieffektive.

På denne HAVlunsjen får du høyre korleis prosjektkordinator Maritime CleanTech og industripartner Bergen Engines jobbar fram løysingar som kan verne sårbare marine økosystem – og samstundes legge grunnlaget for ei meir berekraftig skipsfart.

Program

• Emilie Dorgeville, prosjektleiar, Maritime CleanTech
• Jørgen Løtvedt, senior FoU-ingeniør, Bergen Engines AS
• Spørsmål og diskusjon

Om HAVlunsj

HAVlunsj er ein uformell møteplass for havnæringa med fokus på inspirasjon, kunnskapsdeling og nettverksbygging.

Arrangementet er eit samarbeid mellom VIS, Maritime Bergen, GCE Ocean Technology, NCE Seafood Innovation Cluster, Marineholmen og Maritime CleanTech.

HAVlunsj blir arrangert nest siste torsdag i månaden (med nokre unntak)

HAVlunsjen er gratis og open for alle.